Շողակաթ համայնքում ուժգին կարկուտից ոչխարներ են սատկել, վնասվել են ծառերն ու ցանքերը. News

Երեկ տեղած ուժգին կարկուտն ավիրել է գյուղի այգիները, ցանքերը, 10 գլուխ ոչխար է սատկել։ Այս մասին այսօր՝ հունիսի 19–ին, NEWS.am-ի հետ զրույցում ասաց Գեղարքունիքի մարզի Շողակաթ համայնքի ղեկավար Սուլիկո Շուշանյանը։

«Օրվա երկրորդ կեսին ուժգին կարկուտ սկսվեց, պնդուկի մեծության կլիներ ու մոտ կես ժամ, 40 րոպե տևեց։ Ես 30 տարի է այս գյուղում եմ ապրում, նման բան չէի տեսել, սա առաջին դեպքն էր։ Ամբողջ բերքն ավիրել է, ցանքերն էլ։

Հիմնականում գարի ու ցորեն էր, իսկ ծառեը հիմնականում՝ ծիրանի, տանձի, խնձորի եւ կեռասի ծառեր են, կեռասն էլ նոր էր կարմրել, էլի ամբողջը վնասել է։ Դաշտում էլ 10 գլուխ ոչխար է սատկել, գնացել ման ենք եկել, հերթով հավաքել»,– ասաց համայնքի ղեկավարը։

Մանրամասները՝ սկզբնաղբյուրում։