Վլադիմիր Պուտինը չի բացառել, որ կառաջադրվի նոր ժամկետով
ՌԴ նախագահ Վլադիմիր Պուտինը չի բացառել, որ նոր ժամկետով կառաջադրվի նախագահական ընտրություններում, եթե Սահմանադրության համապատասխան փոփոխություն արվի: ТАСС գործակալության փոխանցմամբ՝ այս մասին երկրի ղեկավարն ասել է «Ռուսաստան. Կրեմլ. Պուտին» ծրագրի շրջանակում տված հարցազրույցի ժամանակ:
«Ես ինձ համար դեռ ոչինչ չեմ որոշել: Չեմ բացառում առաջադրվելու հնարավորությունը, եթե դա սահմանադրությամբ հաստատվի: Տեսնենք, հետագայում պարզ կլինի»,- ասել է նա: Միևնույն ժամանակ ՌԴ ղեկավարը բոլոր պաշտոնյաներին կոչ է արել հիմա չսկսել իրեն փոխարինող թեկնածու փնտրել, այլ զբաղվել իրենց անմիջական գործով: «Աշխատել է պետք, ոչ թե հաջորդների փնտրել»,- ասել է Պուտինը:
«Անկեղծորեն կասեմ. եթե համապատասխան փոփոխություն չլինի Սահմանադրությունում, երկու տարուց, ես դա գիտեմ սեփական փորձով, արդեն նորմալ աշխատանքի փոխարեն իշխանության շատ մակարդակներում հնարավոր իրավահաջորդների փնտրտուքներ կսկսվեն»,- մեկնաբանել է նախագահը:
Նմանատիպ հոդվածներ
Ավելին Քաղաքականություն բաժնից
Իրաքում զանգվածային ցույցեր՝ ԱՄՆ-ի և Իսրայելի դեմ
ԱՄՆ-ն և Իսրայելը լայնամասշտաբ հարվածներ են հասցնում Իրանին. կան զոհեր
Հայտնի է՝ ինչ է քննարկել Էրդողանը Զելենսկու հետ. մանրամասներ
