Մոսկվա-Երևան չվերթի տոմսեր կարելի է ձեռք բերել ազատ վաճառքի սկզբունքով

ՌԴ-ում ՀՀ դեսպանությունը հայտարարություն է տարածել Մոսկվայից դեպի Երևան չվերթի մասին, որում ասվում է. «Հայտնում ենք, որ «Red Wings» ընկերության ս/թ. հուլիսի 8-ին «Դոմոդեդովո» օդանավակայանից նախատեսված Մոսկվա-Երևան չարտերային չվերթի որոշ քանակի տոմսեր կարելի է ձեռք բերել ազատ վաճառքի սկզբունքով:

Տոմսերի ազատ վաճառքը տեղի կունենա հուլիսի 6-ին ( մինչև ժամը 21:00-ն), հուլիսի 7-ին (ժամը՝ 10։00-ից մինչև 21։00-ն) և 8-ին (ժամը՝ 10։00-ից մինչև 13։00-ն) օդանավակայանի N94 տոմսարկղից:

Տոմսի արժեքը 13 հազ․ռուբլի է։ Ուղեբեռը՝ 23 կգ, ձեռքի ուղեբեռը՝ 8 կգ»։