Ադրբեջանական զինված ուժերում կորուստ կա, վերագրում են դժբախտ պատահարին. «Ռազմինֆո»

Հուլիսի 29-ին Ադրբեջանի պետական սահմանապահ ծառայության զինծառայող է մահացել։ 2019-ին զորակոչված ժամկետային Նաթիգ Էլչին օղլուն Գուրբանլըն, ըստ պաշտոնական աղբյուրների, մահացել է դժբախտ պատահարից։ Այս մասին հայտնում է «Ռազմինֆո» մասնագիտացած կայքը։

Ներկայում, ըստ պաշտոնական աղբյուրների, զինծառայողի մահվան դեպքի առթիվ քննություն է իրականացվում սահմանապահ ծառայության և զինվորական դատախազության մասնակցությամբ։

«Ռազմինֆոյի» հաշվարկով՝ սա ադրբեջանական զինված ուժերում գրանցված 43-րդ մահվան դեպքն է այս տարվա ընթացքում։

Հիշեցնենք, որ Ադրբեջանի սահմանապահ ծառայությունը հիմնականում հսկում է Վրաստանի և Իրանի հետ սահմանները, սակայն դրա մարտական ստորաբաժանումները ներգրավված են նաև հայկական սահմանների դիմաց մարտական հերթապահության։