Ծայրահեղ ծանր վիճակ, կուրություն. ալկոհոլային խմիչքից թունավորված քաղաքացիների վերաբերյալ նոր մանրամասներ. ԱՆ

Վերջին օրերին հանրապետությունում արձանագրվել են ալկոհոլային թունավորման դեպքեր: Կան տուժածներ, ցավոք, նաև մահվան դեպքեր: Թունավորման հավանական աղբյուրը ոչ գործարանային արտադրության օղու և բժշկական սպիրտի օգտագործումն է: Թունավորման պատճառը ոչ գործարանային արտադրության օղու օգտագործումն է:

Auroranews-ի հետ զրույցում ԱՆ Ալինա Նիկողոսյանը նշեց, որ սեպտեմբերի 7-ի ժամը 11:00-ի դրությամբ թունավորման նոր դեպքեր չեն արձանագրվել, իսկ Երևան քաղաքի տարբեր բժշկական կազմակերպություններում շարունակում են բուժում ստանալ 7 պացիենտ, որից 3-ը՝ Արմենիա ԲԿ-ում (1 պացիենտ ծայրահեղ ծանր վիճակում, 2-ը ծանր (կուրություն)), 2-ը՝ Էրեբունի ԲԿ-ում ( ծայրահեղ ծանր վիճակում, նրանցից մեկի մոտ նաև կուրություն), 1-ը՝ Թիվ 1 համալսարանական հիվանդանոցում (ծայրահեղ ծանր վիճակում), 1-ը՝ Սուրբ Գրիգոր Լուսավորիչ ԲԿ-ում (ծանր վիճակում):