Թուրքական հեռուստաալիքը հեռացրել է սխալմամբ ճշմարտությունը ներկայացրած աշխատակցին

Թուրքիայի ռադիոյի և հեռուստատեսության պետական ընկերությունը (TRT), ուղիղ եթերում ներկայացնելով պատերազմական վերջին զարգացումներն Արցախում, սկանդալային վրիպում էր թույլ տվել՝ շեղվելով թուրք-ադրբեջանական քարոզչական կեղծիքից։ Այս մասին հայտնում է Ermenihaber-ը։

Ռեպորտաժի ժամանակ էկրանին հայտնված գլխագրում թուրքերեն նշված է եղել. «Ադրբեջանը հարձակվում է քաղաքացիական անձանց վրա»:

Նշյալ դրվագը մեծ աղմուկ է բարձրացրել թուրքական մամուլում և սոցցանցերում։

Հեռուստաընկերությունը ներողություն է խնդրել կատարվածի առնչությամբ և փորձել շտկել «սխալը»՝ հեռացնելով աշխատակիցներից մեկին։