Արցախում միջոցառումների շարք է նախաձեռնվել, չի բացառվում նաև, որ քայլերթ կազմակերպեն. «Հրապարակ»

«Չնայած 44-օրյա դաժան պատերազմին և Արցախի 75 տոկոսի կորստին, քաղաքական վերնախավը արցախյան շարժման մեկնարկի օրը՝ փետրվարի 20-ին, միջոցառումների շարք է նախաձեռնել։ Փետրվարը համարվում է ղարաբաղյան շարժման խորհրդանիշը․ 1988 թվականի փետրվարի 20-ին ԼՂԻՄ մարզխորհուրդն ու Շահումյանի շրջանային խորհուրդը որոշում կայացրին մարզն Ադրբեջանի կազմից հանելու և Հայաստանի հետ վերամիավորելու մասին:

Ղարաբաղում այս օրը պաշտոնապես նշվում է որպես Արցախի վերածննդի օր։ Այս տարի Արցախում առանձնահատուկ են պատրաստվում՝ ի ցույց դնելու Արցախի ժողովրդի միասնականությունն ու կամքը։ Չի բացառվում նաև, որ քայլերթ կազմակերպեն»: Այս մասին գրում է «Հրապարակ» թերթը :