Վերին Լարսում հա՞յ է սպանվել. Վրաստանի ՆԳՆ-ն նշում է, որ Վերին Լարսի անցակետից հաղորդում չեն ստացել

Վրաստանի ՆԳՆ-ն պնդում է, որ Վերին Լարսի անցակետից իրենք ոչ մի հաղորդագրություն չեն ստացել բեռնատարների վարորդների միջեւ ծեծկռտուքի մասին, հաղորդում է Newsgeorgia- ն:

«Վարորդների  միջեւ ծեծկռտուքի մասին մենք ոչ մի հաղորդում չենք ստացել: Նման բան չկա», - աել են նախարարության մամուլի ծառայությունից:

Հիշեցնենք՝ ռուսական «360» հեռուստաալիքը հայտնել էր, որ  ռուս-վրացական սահմանին բեռնատարների միջեւ ծեծկռտուք է տեղի ունեցել, որի ընթացքում մեկ մարդ է զոհվել: Հեռուստաալիքի աղբյուրը պնդում է, որ բեռնափոխադրողներից մեկը, ենթադրաբար, թուրքական ծագմամբ, սպանել է Հայաստանից մի վարորդի: Տեղեկատվության մեջ ասվում է նաև, որ «դեպքի վայր են մեկնել վրացի քննիչները»: