Ինչո՞ւ Արմեն Սարգսյանը չի մասնակցել Փաշինյանի հովանու ներքո կայացած համերգին. պարզաբանում

ՀՀ նախագահ Արմեն Սարգսյանը չի մասնակցել ապրիլի 24-ին Կարեն Դեմիրճյանի անվան մարզահամերգային համալիրում Հայոց ցեղասպանության 106-րդ տարելիցին նվիրված «Հիշատակի եռերգության» եզրափակիչ համերգին: Այս մասին Analitik.am-ի հետ զրույցում ասել է նախագահի օգնական Հասմիկ Պետրոսյանը:

Համերգն անցկացվում էր ՀՀ վարչապետ Նիկոլ Փաշինյանի հովանու ներքո: Խոսքը նույն համերգի մասին է, որի շուրջ աղմուկ էր բարձրացել: Սոցկայքում անգամ ֆլեշմոբ էր սկսվել, որի մասնակիցները քննադատում էին Փաշինյանի կողմից հրավեր ընդունելն ու կոչ էին անում բոլոր հրավեր ստացողներին  չներկայանալ համերգին:

Լրատվականի հետ զրույցում նախագահի օգնականն ասաց, որ համաճարակային իրավիճակով պայմանավորված՝ նախագահը հնարավորինս ձեռնպահ է մնում հանրային մարդաշատ փակ միջոցառումներին մասնակցելուց: