Հնդկաստանի Գանգես գետում հայտնաբերվել են կորոնավիրուսից մահացած տասնյակ մարդկանց դիեր

Ենթադրվում է, որ Հնդկաստանի Գանգես գետը դարձել է կորոնավիրուսից մահացած տասնյակ մարդկանց վերջին հանգրվանը: Մոտ 150 մարդու մարմին է հայտնաբերվել արևելյան Բիխար նահանգի Բուկսար շրջանի ջրերում, հայտնում է The Times of India-ն:

Ինչպես գրում է թերթը, դիերը կարող էին ջուրը գցել մահացածների հարազատները, քանի որ նրանց ավանդական ծեսերին համապատասխան դիակիզումը հաճախ շատ թանկ է բնակչության աղքատ հատվածի համար:

Տեղի բնակիչները վախեցած են և պահանջում են, որ իշխանություններն անհապաղ միջոցներ ձեռնարկեն: Ըստ շրջանի վարչակազմի, մարմինների մեծ մասը մի քանի օր առաջ են գցել Գանգես գետը։