Կանխատեսվում է հունիսին պատմության մեջ ամենաբարձր ջերմաստիճանը

Հունիսի 23-25-ն Արարատյան դաշտում, Արագածոտնի և Վայոց Ձորի նախալեռներում, ինչպես նաև Երևանում կանխատեսվում է հունիս ամսին օդերևութաբանության պատմության մեջ ամենաբարձր ջերմաստիճանը՝ +40, իսկ առանձին ցածրադիր հատվածներում մինչև +41 աստիճան, հայտնում է Հիդրոօդերևութաբանության և մոնիթորինգի կենտրոնը։  

 Նշենք, որ հունիսյան ջերմաստիճանի ռեկորդը Արարատյան դաշտի և Երևանի համար պատկանում է 1998թ. հունիսի 22-23-ը՝  +39.3․․․+39.4 աստիճան։