Մերձմոսկվայում կործանվել է Իլ -112 Վ ռազմական օդանավի միակ թռիչքային նմուշը. կան զոհեր

Մերձմոսկովյան Կուբինկա քաղաքում վթարի է ենթարկվել Ил-112В ռազմատրանսպորտային ինքնաթիռի փորձանմուշը։ Այս մասին հայտնում է Ռիա Նովոստին։

Նախնական տվյալներով ինքնաթիռի անձնակազմը երեք հոգուց է բաղկացած եղել, և բոլորն էլ մահացել են։

Նախնական վարկածով վթարի պատճառը եղել է աջ շարժիչի բռնկումը։ Ինքնաթիռը վայրէջքի էր պատրաստվում՝ ունենալով ցածր բարձրություն և արագություն, և շարժիչի խափանումն օդանավի կործանմանն է հանգեցրել։

Օդանավն ընկել է ու ամբողջությամբ ոչնչացվել։