Սաակաշվիլու հայրը հոսպիտալացվել է սրտի նոպայով

Վրաստանի նախկին նախագահ Միխայիլ Սաակաշվիլու հայրը՝ Նիկոլոզ Սաակաշվիլին, հոսպիտալացվել է, տեղեկացնում է «Մթավարի արխի» հեռուստաընկերությունը։

«Միխայիլ Սաակաշվիլու հայրը հոսպիտալացվել է։ Նիկոլոզ Սաակաշվիլին տեղափոխվել է Չափիձեի կլինիկա՝ սրտի խնդիրներով։ Երրորդ նախագահի հայրը մի որոշ ժամանակ կմնա կլինիկայում՝ բժիշկների հսկողության ներքո»,- տեղեկացնում է հեռուստաընկերությունը։

Հեռուստաընկերության տվյալներով՝ ներկա պահին նրա առողջական վիճակը կայուն է։

«Նա իսկապես լարված է՝ հաշվի առնելով իրավիճակը։ Հոր համար շատ դժվար է որդուն տեսնել ճաղերի հետեւում։ Իհարկե, դա ազդեցություն է ունեցել»,- լրագրողներին ասել է նախկին նախագահի եղբայրը՝ Դավիթ Սաակաշվիլին։