Սպասվում են տեղումներ, ջերմաստիճանը կնվազի

Հիդրոօդերևութաբանության և մոնիթորինգի կենտրոնից հայտնում են, որ հոկտեմբերի 22-ի լույս 23-ի գիշերը Արարատյան դաշտում, հատկապես Արմավիրում օդում կանխատեսվում է մինչև -2, հողի մակերևույթին -2․.․-4 աստիճան ցուրտ։ Երևան քաղաքում՝ Հոկտեմբերի 22-ի ցերեկը, 23-24-ին, 25-ի գիշերը, 26-ի ցերեկը, 27-ին սպասվում է առանց տեղումների եղանակ։ Հոկտեմբերի 25-ի երեկոյան ժամերին, 26-ի գիշերը սպասվում է անձրև: Հանրապետության տարածքում` Հոկտեմբերի 22-ի ցերեկը, 23-24-ին, 25-ի գիշերը սպասվում է առանց տեղումների եղանակ: Հոկտեմբերի 25-ին կեսօրից հետո, 26-27-ին առանձին շրջաններում սպասվում են տեղումներ: Քամին հարավ-արևմտյան՝ 5-10մ/վրկ: Օդի ջերմաստիճանը հոկտեմբերի 26-27-ին ցերեկը աստիճանաբար կնվազի 4-6 աստիճանով: