Ակտաու քաղաքում իրավիճակը հանգիստ է․ Ղազախստան

Ոստիկանությունը կրկին սկսել է պարեկություն իրականացնել Ղազախստանի Ակտաու քաղաքի կենտրոնական հրապարակում, իրավիճակը հանգիստ է։ Այս մասին հայտնում է «Sputnik Ղազախստան»-ը։

«Ակտաուի կենտրոնական հրապարակում ոստիկանները նորից սկսել են պարեկություն իրականացնել։ Քաղաքում հանրահավաքներ են անցկացվում հունվարի 2-ից, սակայն երկու օր առաջ իրավապահները դադարեցրին հրապարակում տիրող իրավիճակի վերահսկումը։ Քաղաքում իրավիճակը հանգիստ է: Ցուցարարները շարունակում են մնալ հրապարակում։ Նրանց թիվը մոտ մի քանի տասնյակ է»,- ասվում է «Sputnik Ղազախստան»-ի հաղորդագրության մեջ։