Ադրբեջանը ներքին զորքերի մարտավարական զորավարժություններ է անցկացրել

Ադրբեջանում տեղի են ունեցել ներքին զորքերի «Նախիջևան» առանձին օպերատիվ բրիգադի հատուկ մարտավարական զորավարժություններ։ 

Առանձին համակցված բանակի մամուլի ծառայության հաղորդմամբ՝ հատուկ տակտիկական զորավարժությունների սցենարի համաձայն՝ զենքի, զինամթերքի և պայթուցիկ նյութերի մաքսանենգության, թմրամիջոցների վերամշակման և ապօրինի շրջանառությամբ զբաղվող կազմակերպված հանցախմբին վնասազերծելու նպատակով Ներքին զորքերի «Նախիջևան» առանձին օպերատիվ բրիգադի հատուկ ջոկատայինները հակաահաբեկչական գործողություն են սկսել։

Զորավարժությունների ընթացքին հետևել են Թուրքիայի զինված ուժերի ներկայացուցիչները: