Իսպանիայի կողմից Սև ծով նավեր ուղարկելը «չափազանց դրամատիզացված» է. Իսպանիայի ՊՆ

Իսպանիայի կողմից Սև ծով նավեր ուղարկելը «չափազանց դրամատիզացված» է, սա ՆԱՏՕ-ի սովորական գործողություն է: Այս մասին հայտարարել է երկրի պաշտպանության նախարար Մարգարիտա Ռոբլեսը, գրում է RT-ն։

«ՆԱՏՕ-ի կանոնադրությունն ունի 5-րդ հոդված. երբ հարձակում է տեղի ունենում անդամ երկրի վրա, մնացածը պետք է պատասխան տան: Բայց այս դեպքում Ուկրաինան ՆԱՏՕ-ի մաս կազմող երկիր չէ։ Եվ այս սցենարը, որ իսպանական զորքերը գտնվեն Ուկրաինայում, երբեք չի դրվել», - ասել է նա։ 

Ավելի վաղ Եվրախորհրդարանի պատգամավոր Մանուել Պինեդան RT-ին տված հարցազրույցում ասել էր, որ իսպանական ինը կուսակցություններ ստորագրել են մանիֆեստ, որով դեմ են իրենց նավերը Սև ծով, իսկ կործանիչները՝ Բուլղարիա ուղարկելուն։