Վրաստանում արձանագրվել է կորոնավիրուսի ավելի քան 15 000 նոր դեպք

Վրաստանում արձանագրվել է կորոնավիրուսի 15 712 նոր դեպք: Այս մասին տեղեկատվությունը հրապարակվել է կառավարության stopcov.ge կայքում:

Վերջին 24 ժամվա ընթացքում երկրում ապաքինվել է 21 623 մարդ, մահացել` 40 մարդ:

Ընդհանուր առմամբ Վրաստանում գրանցվել է կորոնավիրուսային վարակի 1 454 065 դեպք, որից 1 248 242 հիվանդ ապաքինվել է, 15 556-ը՝ մահացել:

Ընդհանուր առմամբ կատարվել է՝ 2 774 755 պատվաստում, օրական՝ 2 089։