Բուլղարիայում Ռուսաստանի դեսպանատան վրա ներկ են լցրել․ ակտիվիստներից մեկը հայ է

Երկու հոգի կարմիր ներկ են լցրել Բուլղարիայի մայրաքաղաք Սոֆիայում Ռուսաստանի դեսպանատան վրա։ Իրավապահները նրանց ձերբակալել են, գրում է Sofia Globe պարբերականը:

Ըստ տվյալների՝ 2 տղամարդ՝ նախկին լրագրող Արմեն Բաբիկյանն ու փաստաբան Նիկոլայ Խաջիգենովը, որոնք ավելի վաղ պատգամավորներ էին, ներկ են լցրել դեսպանատան ցուցանակի վրա։ Վերջիններս կադրերը հրապարակել են սոցցանցերում։ Նրանք հայտարարել են, որ ակցիան ուղղված է Ուկրաինայի իրադարձությունների նկատմամբ ռուս պաշտոնյաների ուշադրությունը գրավելուն:

Ավելի վաղ Բուլղարիան «պերսոնա նոն գրատա» էր հայտարարել 10 ռուս դիվանագետների: Ռուսաստանը խոստացել է պատասխանել դիվանագետների արտաքսմանը։