Google-ը ուղղել է «սիրելի ռուսներ» արտահայտությունը թարգմանելիս բերվող սխալ պատասխանը

Google-ը շտկել է «սիրելի ռուսներ» արտահայտությունը թարգմանելիս Google Translate ծառայության սխալը: Այս մասին հայտնել է ընկերությունը՝ РИА Новости-ի հարցմանն ի պատասխան: 

Հիշեցնենք, որ ավելի վաղ Ռոսկոմնադզորը Google-ից պահանջել էր անհապաղ քայլեր ձեռնարկել իր ծառայություններից ռուս օգտատերերի համար սպառնալիքները վերացնելու համար։ 

Ապրիլի 9-ին Google Translate ծառայության աշխատանքում խախտում էր հայտնաբերվել։ «Dear Russians»» (սիրելի ռուսներ) արտահայտությունը թարգմանության համար մուտքագրելիս թարգմանիչը այն փոխարինել է «dead Russians» (մեռած ռուսներ) արտահայտությամբ: Նշվում է, որ նույն արտահայտությունը այլ ազգությունների նշումով կազմելիս ծրագիրը սխալ չի տվել։