Էրդողանը հեռախոսազրույց կունենա Պուտինի հետ

Թուրքիայի նախագահ Ռեջեփ Թայիփ Էրդողանը Թուրքիայի նախարարների կաբինետի նիստից հետո Անկարայում ունեցած ելույթի ժամանակ ասել է, որ ակնկալում է հեռախոսազրույցներ ունենալ իր ռուս գործընկեր Վլադիմիր Պուտինի հետ ապրիլի 26-ին, հայտնում է ТАСС-ը։

«Վաղը (երեքշաբթի) ես հեռախոսազրույց կունենամ Պուտինի հետ՝ նախ կայուն հրադադարի հասնելու համար, իսկ հետո՝ խաղաղության (Ուկրաինայում)»,- ասել է նա։
 

Ավելի վաղ Էրդողանը ՄԱԿ-ի գլխավոր քարտուղար Անտոնիու Գուտերեշի հետ հանդիպման ժամանակ կարծիք էր հայտնել, որ ուկրաինական ճգնաժամին ողջամիտ դիվանագիտական ​​լուծում կգտնվի։ 

Մինչ այս, Թուրքիայի նախագահը հայտարարել էր, որ ձգտելու է հասնել ՌԴ նախագահ Վլադիմիր Պուտինի և Զելենսկու հետ հանդիպման Թուրքիայում։