ԼՈՒՍԱՆԿԱՐՆԵՐ. Խոշոր ավտովթար Տավուշի մարզում. բախվել են Lexus-ը, Mitsubishi-ն և Nissan-ը. կա 5 տուժած. Shamshyan. com

Երեկ խոշոր ավտովթար է տեղի ունեցել Տավուշի մարզում:  Ժամը 17:10-ի սահմաններում, Երևան-Սևան-Իջևան ավտոճանապարհի 101 կմ հատվածում՝ «Գետափ» ռեստորանային համալիրի դիմաց, բախվել են Lexus, Mitsubishi Grandis և Nissan Tiida մակնիշի ավտոմեքենաները: 

Ինչպես հայտնում է Shamshyan. com-ը, վթարի հետևանքով 5 հոգի, որոնցից 1-ը ծայրահեղ ծանր, տարբեր աստիճանի մարմնական վնասվածքներով տեղափոխվել են «Դիլիջան» բժշկական կենտրոն: Վիրավորներին առաջինը օգնության են հասել «Գետափ» ռեստորանի աշխատակիցները, քաղաքացիները և օպերատիվորեն ժամանած Արտակարգ իրավիճակների նախարարության Փրկարար ծառայության Տավուշի մարզային փրկարարական վարչության Դիլիջանի թիվ 63 փրկարարական ջոկատի հրշեջ-փրկարարներն ու Դիլիջանի հիվանդանոցի բժիշկները:   Վիրավորներից 2-ին ավտոմեքենաներից դուրս են բերել փրկարարները և մոտեցրել շտապօգնության ավտոմեքենային:   

Դիլիջանի հիվանդանոցի բժիշկները վիրավորներին նախ տեղում առաջին բուժօգնությունն են ցուցաբերել, ապա տեղափոխել հիվանդանոց:  

Վթարի փաստով նյութեր են նախապատրաստվում: Ոստիկանությունը պարզում է վարորդների և վիրավորների ինքնությունը: 

[ae5c3d3e5bf9177df210f4fe9cd52ef6.jpg]

[712e27521341105a1c7db6064df66ad3.jpg]

[814986b052082f93b0b3b4c19057da48.jpg]

[3bf979cc0f1886f63e339ac03036b24a.jpg]

[18537a630b969da32fd3ad64ea591b26.jpg]

[9fc74b2aa947c20fbce3cc0f52d1d011.jpg]

[3cecb8f88001a0fab0f29480e19cdc48.jpg]