Գյումրիում ռումբի մասին ահազանգողին գտել են

Արտակարգ իրավիճակների նախարարություն այսօր՝ օգոստոսի 15-ին, ահազանգ է ստացվել, որ Գյումրիի տարածքային հարկային տեսչության շենքի մոտ քաղաքացին սպառնում է պայթեցնել իրեն, եւ որ շենքում տեղադրված է հինգ նռնակ։ Այս մասին հայտնել է ԱԻՆ խոսնակ Հայկ Կոստանյանը։

«Իրականացվել են որոնողական աշխատանքներ, որեւէ բան չի հայտնաբերվել։ Ոստիկանները բերման են ենթարկել քաղաքացուն»,- նշեց նա։

Տղամարդը Գյումրիի բնակիչ է, ով ոչ սթափ վիճակում է ահազանգել ու հայտնել Հարկային տեսչության շենքն ու այլ շենքեր պայթեցնելու մտադրության մասին։ 

Նշենք, որ նույն շենքում պայթուցիկ նյութի առկայության մասին ահազանգ եղել է նաև օգոստոսի 15-ին, որոնողական աշխատանքների արդյունքում պարզվել է, որ ահազանգը կեղծ է: