Տղամարդը փորձել է խեղդել ընկերուհուն՝ կասկածելով նրան իր հեռախոսի գողության մեջ. Իսպանիա

Իսպանիայում անցորդները փրկել են տեղի բնակչուհուն, ում շատրվանում փորձում էր խեղդել 52-ամյա մի տղամարդ: Ինչպես հայտնում է The Sun-ը, միջադեպը տեղի է ունեցել Վալենսիա քաղաքում։ Գինովցած իսպանացին մի կնոջ հետ լողում էր շատրվանում. որոշ ժամանակ անց նրանց մի երիտասարդ է մոտեցել եւ առաջարկել է նկարվել, սակայն երբ ստացել է հեռախոսը, փախել է, ինչից հետո տղամարդը որոշել է, որ իր ընկերուհին գողության հանցակից է, եւ փորձել է խեղդել նրան շատրվանում։ Անցորդները նկատել են, թե ինչպես է տղամարդը բռնում կնոջ մազերից ու գլխով մտցնում ջրի մեջ։