Տարհանում՝ Երևանի շենքերից մեկում․ նկուղում ականանետի ական կա

րևանի Նոր Նորք վարչական շրջանի Շոպրոնի 8 շենքի 1-ին մուտքի նկուղում հայտնաբերվել է ինքնաշեն ականանետի ական։ Տեղեկությունը հայտնում է shamshyan.com–ը։

Պայթուցիկի վերաբերյալ ահազանգը ոստիկանությունում և արտակարգ իրավիճակների նախարարությունում ստացել են օգոստոսի 22-ին` ժամը 10։00-ի սահմաններում։

«Տեղում բնակիչներին տարհանել են, ժամանել է նաև շտապօգնության բժիշկների հերթապահ խումբը։ ԱԻՆ ՓԾ ինժեներական և հրշեջ–փրկարարական ջոկատի սակրավորները նկուղում հայտնաբերել են ինքնաշեն ականանետի ական և կան կասկածներ, որ այն մարտական է»,– ասված է կայքում։

Նշվում է, որ դեպքի առթիվ նախաձեռնվել է վարույթ։