Գյումրիում հայտնաբերվել է կնոջ դի՝ կտրած պարանոցով

 Գյումրու Շիրակացի փողոցի շենքերից մեկում այսօր՝ սեպտեմբերի 20-ին, հայտնաբերվել է 60-ամյա կնոջ դի՝ պարանոցի շրջանում սուր-կտրող ծակող առարկայից ստացած հարվածի հետքերով։ Հայտնում է ՀՀ ոստիկանության հասարակայնության հետ կապի և լրատվության վարչությունը։

Ոստիկանությունից հայտնեցին, որ ահազանգ է ստացվել, որ Գյումրիի Շիրակացի փողոցի շենքերից մեկի բնակիչը չի արձագանքում դռան թակոցներին․

«Մեկնել է օպերատիվ խումբ, տան հյուրասենյակի բազմոցին հայտնաբերվել է 1959 թվականին ծնված տանտիրուհու դին՝ պարանոցի շրջանում կտրած վերքերով»։

Ոստիկանությունից հայտնեցին, որ հանգամանքները պարզվում են։