«Իմ էներգիան սպառվում է, բայց մի անհանգստացեք ինձ համար». Մարսյան InSight կայանը դադարեցրեց հաղորդակցությունը

«Իմ էներգիան սպառվում է, ուստի սա կարող է լինել իմ տեղադրած վերջին նկարը: Բայց մի անհանգստացեք ինձ համար. ժամանակն այստեղ արդյունավետ էր և հանգիստ: Եթե ​​կարողանամ շարունակել շփվել իմ թիմի հետ, շուտով կապի դուրս կգամ: Շնորհակալություն ինձ հետ մնալու համար»,-
այս հաղորդագրությունը հրապարակվել է դեկտեմբերի 19-ին «InSight» ապարատի «անունից» թվիթում, որն այս պահին գտնվում է Մարսի մակերեսին։ Նույն օրը ՆԱՍԱ-ն հաղորդագրություն է հրապարակել, որ Մարսի կայանը դադարեցրել է հաղորդակցությունը:

NASA-ն վաղուց զգուշացրել է, որ 2018 թվականին Կարմիր մոլորակ արձակված սարքը շուտով կարող է դադարեցնել աշխատանքը։ Պատճառը մարսյան փոշին է եղել, որի հաստ շերտը ծածկել է արեւային մարտկոցները, ինչի պատճառով սարքը չի կարողացել ամբողջությամբ համալրել էներգիայի պաշարը։