2018թ.-ի հեղափոխությունց հետո Փաշինյանի հարազատների մի մասը հեռացել են Հայաստանից

ՀՀ վարչապետ Նիկոլ Փաշինյանը, անդրադառնալով  բարձրաստիճան պաշտոնյաների և նրանց ընտանիքի անդամների բիզնեսներին վերաբերող հարցին, պատասխանել է․

«Իմ ընտանիքի անդամներից կան մարդիկ, որ Հայաստանից հեռացել են 2018թ.-ի հեղափոխությունց հետո, որովհետև պատգամավոր լինեին` ասելու էին` բերեց, դարձրեց պատգամավոր, գործարար լինեին` ասելու էին` բիզնեսով են զբաղվում, գործազուրկ լինեին` ասելու էին` անբան են»։

Ըստ վարչապետի` եթե անգամ որոշ պաշտոնյաների հարազատներ բանվոր աշխատեն, միևնույնն է` բոլորը կասեն, որ դա միայն ցուցամոլության համար է արվում։

Նա վստահեցրեց, որ ոչ մի կոռուպցիոն ռիսկ, կամ ապօրինի գործունեություն անպատիժ չի մնում, ու միայն իշխանության հետ կապ ունենալու բերումով մարդկանց իրավունքները ոտնահարելը անարդար է։