Թուրքիայում երկրաշարժի զոհերի թիվը գերազանցել է 17 հազարը

Թուրքիայում տեղի ունեցած երկրաշարժի զոհերի թիվը գերազանցել է 17 հազարը, ավելի քան 70 հազարը վիրավորվել է։ Այս մասին հայտնում է Արտակարգ իրավիճակների վարչությունը (AFAD):

«Ժամը 20:50-ի դրությամբ երկրաշարժի հետևանքով զոհերի թիվը կազմել է 17134 մարդ, վիրավորներինը՝ 70347 մարդ»,- նշվում է հաղորդագրության մեջ։

Բացի այդ, ավելի քան 30 հազար մարդ աղետի շրջաններից տեղափոխվել է երկրի այլ շրջաններ։

Հիշեցնենք, որ փետրվարի 6-ի գիշերը 7,7 մագնիտուդով հզոր երկրաշարժ է տեղի ունեցել Թուրքիայում։ Ավերիչ ուժից տուժել են նաև Սիրիայի բնակիչները: