Թուրքիայում մահացած են գտել վոլեյբոլի դպրոցական հավաքականի 34 անդամների

 Թուրքական Ադիյաման քաղաքում երկրաշարժի ժամանակ զոհվել է Ֆամագուստա քաղաքի վոլեյբոլի կիպրացի թուրքերի դպրոցական հավաքականի 34 անդամ, հայտնում է Kathimerini թերթի կիպրական հրատարակությունը։ Մահացածների դիերը հայտնաբերվել են քաղաքի հյուրանոցում, թիմի մեկ այլ անդամի որոնումները շարունակվում են։
Ընդհանուր առմամբ, Թուրքիայում տեղի ունեցած երկրաշարժի զոհ է դարձել 47 կիպրացի թուրք, գրում է թերթը։

Ավելի վաղ երեխաների ընտանիքի անդամները տարածել էին հավաքականների նկարները` խնդրելով փնտրել և գտնել նրանց:

Երկուշաբթի առավոտյան Թուրքիայի հարավ-արևելքում 7,7 մագնիտուդ ուժգնությամբ երկրաշարժ է տեղի ունեցել։ Այն, ըստ Թուրքիայի նախագահ Ռեջեփ Թայիփ Էրդողանի, դարձել է ամենաուժեղը 1939 թվականից ի վեր։ Նույն օրը ցերեկը 7,6 մագնիտուդով մեկ այլ երկրաշարժ է տեղի ունեցել։ Վերջին տվյալներով՝ զոհվել է ավելի քան 24,6 հազար մարդ։ Ստորգետնյա ցնցումները, որին հաջորդել են հարյուրավոր հետցնցումներ, զգացվել են երկրի 10 նահանգներում և հարակից նահանգներում, այդ թվում՝ Սիրիայում։
[27a856c2d8118172d632270f47e5b86c.JPG]

[431dadaa8d0f2f391d993d896e743dc3.JPG]

[8927a48906766b4493f9a3bea505b659.JPG]