«Չելսիի» նախկին ֆուտբոլիստին մահացած են գտել Թուրքիայի փլատակներում

Թուրքական Hatayspor-ի և Գանայի հավաքականի հարձակվող Քրիստիան Աթսուն մահացած է հայտնաբերվել Թուրքիայում տեղի ունեցած ավերիչ երկրաշարժերի փլատակներում։ Լոնդոնի «Չելսիի» նախկին ֆուտբոլիստի մահվան մասին Twitter-ում հայտնել է նրա գործակալ Մուրատ Ուզունմեհմեդը։

31-ամյա ֆուտբոլիստի ճակատագրի մասին գրեթե երկու շաբաթ ոչինչ հայտնի չէր, նա փլատակներում է մնացել փետրվարի 6-ին, երբ երկրում մի շարք հզոր ցնցումներ տեղի ունեցան։

Հիշեցնենք, որ նա իր կարիերայի ընթացքում հանդես է եկել նաև անգլիական «Չելսիում», «Էվերտոնում», «Նյուքասլում» և «Բորնմութում», պորտուգալական «Պորտուում», իսպանական «Մալագայում»։