«Միլանն» ու «Մարսելը» հետաքրքրվում են Էդուարդ Սպերցյանով․ La Gazzetta dello Sport

«Միլանը» նախատեսում է 8 միլիոն եվրո առաջարկել Հայաստանի ազգային հավաքականի և «Կրասնոդարի» ֆուտբոլիստ Էդուարդ Սպերցյանի համար։ Այս մասին հայտնում է La Gazzetta dello Sport-ը։ 

Նշվում է, որ այդպիսին լինելու է Իտալիայի չեմպիոնի նախնական առաջարկը։ Միևնույն ժամանակ նշվում է, որ «Կրասնոդարն» իր փլեյմեյքերին գնահատում է 12 մլն եվրո։

«Միլանում» կարծում են, որ Սպերցյանը կարող է այնպիսի ֆուրոր առաջացնել, ինչպես արեց Խվիչա Կվարացխելիան՝ նախորդ ամառ «Նապոլիին» միանալով։

Հաղորդվում է, որ հայ ֆուտբոլիստի ծառայություններով հետաքրքրվում է նաև «Մարսելը»։