Սպասք լվացող չինուհին Bentley-ով է տուն գնում

Չինաստանում սպասք լվացող կինն ամեն օր աշխատանքից հետո Բենթլիով տուն է գնում: Նա աշխատում է Սիչուան նահանգի ռեստորաններից մեկում: Ամեն օր անձնական վարորդը նրան Բենթլիով բերում է հաստատության դռան մոտ, իսկ աշխատանքից հետո տուն տանում։ Հաղորդվում է, որ կինը շատ հարուստ է, բայց աշխատում է որպես սպասք լվացող` «ժամանակն անցկացնելու համար»: 

«Տանը շատ ձանձրալի է, և ես ինձ անհարմար եմ զգում, եթե օրվա ընթացքում սպասք չեմ լվանում», - խոստովանել է նա:

Այն բանից հետո, երբ սոցցանցերում տարածվեցին շքեղ մեքենայից իջնող չինուհու կադրերը, օգտատերերը սկսել են կատակել իրենց տեսածի շուրջ: Մի մասն էլ գովել է կնոջը իր քրտնաջան աշխատանքի համար: