Մոսկվայում սպասում են Փաշինյանի ու Ալիևի բրյուսելյան հանդիպման արդյունքներին. ՌԴ ԱԳՆ

Մոսկվան աջակցում է ցանկացած կառուցողական միջնորդության, որը տանում է Բաքվի և Երևանի միջև խաղաղության։ Այս մասին News.ru-ի հետ զրույցում ասել է Ռուսաստանի ԱԳՆ պաշտոնական ներկայացուցիչ Մարիա Զախարովան։  

Նա անդրադառձել է Բրյուսելում Եվրոպական խորհրդի ղեկավար Շառլ Միշելի միջնորդությամբ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի առաջիկա հանդիպմանը:

«Ուստի պետք է եզրակացություններ անել հանդիպման արդյունքների հիման վրա»,- ասել է ՌԴ ԱԳՆ ներկայացուցիչը։

Նշենք՝ ավելի վաղ հայտնել էինք, որ Նիկոլ Փաշինյան–Շառլ Միշել–Իլհամ Ալիև եռակողմ հանդիպումը կայանալու է հուլիսի 15-ին Բրյուսելում։

Զախարովայի խոսքով՝ որևէ հետևություն անելու համար վաղ է։