ԱՄՆ Ներկայացուցիչների պալատը մերժել է Ուկրաինային կասետային զինամթերք փոխանցելու նախագծի փոփոխությունները

Ուրբաթ՝ հուլիսի 14-ին, ԱՄՆ Կոնգրեսի Ներկայացուցիչների պալատը չի աջակցել ազգային պաշտպանության բյուջեի (NDAA) նախագծի փոփոխմանը, որն արգելում է Ուկրաինա տեղափոխել կասետային ռումբեր։

Քվեարկության արդյունքներով ձայների մեծամասնությամբ փոփոխությունը մերժվել է (147 կողմ և 276 դեմ)։ 

Ավելի վաղ Ներկայացուցիչների պալատը մերժել էր նաև մի շարք օրենսդիրների կողմից առաջարկված NDAA նախագծի այլ ուղղումներ, որոնք միտված էին նվազեցնելուն և արգելափակելուն Ուկրաինային տրամադրվելիք հետագա ռազմական օգնությունը: 

Ավելի վաղ՝ հուլիսի 13-ին, ԱՄՆ զինված ուժերի միացյալ շտաբից հսյտնել էին, որ կասետային զինամթերքն արդեն փոխանցվել է Ուկրաինա։