Իսրայելի խորհրդարանն ընդունել է դատական բարեփոխումների շրջանակներում առաջին օրինագիծը

Իսրայելի խորհրդարանը երկրորդ և երրորդ ընթերցմամբ հաստատել է դատական բարեփոխումների շրջանակներում առաջին օրինագիծը, որը զանգվածային ցույցերի ալիք էր բարձրացրել։

Jerusalem Post-ը հայտնում է, որ ընդդիմության 56 պատգամավորները բոյկոտել են վերջին քվեարկությունը և հեռացել նիստերի դահլիճից։

Փաստաթղթին կողմ է արտահայտվել 120-տեղանոց Քնեսեթի 64 պատգամավոր, որոնք ներկայացնում են իշխող կոալիցիան։

Հիշեցնենք, որ տևական ժամանակ է՝ Իսրայելի տարբեր հատվածներում բազմահազարանոց ցույցեր են կազմակերպվում՝ ընդդեմ դատական համակարգում բարեփոխոմներ իրականացնելուն։ Այսօր էլ ոստիկանությունը փողոց էին հանել ջրցան մեքենաները, ինչի հետևանքով ցուցարար էր վիրավորվել։