Զելենսկին ասել է, թե քանի F-16 ինքնաթիռ է պետք Ուկրաինային՝ ՌԴ-ին օդում գերակայությունից զրկելու համար

Ուկրաինայի զինված ուժերին անհրաժեշտ են ամերիկյան արտադրության մոտ 160 F-16 կործանիչներ՝ Ռուսաստանի երկնքում առավելության հասնելու համար։ Նման հայտարարություն է արել նախագահ Վլադիմիր Զելենսկին պորտուգալական RTP հեռուստաալիքին տված հարցազրույցում։

Նախագահի խոսքով, այսօր պայմանավորվածություն կա այս մոդելի 50-60 ինքնաթիռ ապագայում Ուկրաինա մատակարարելու վերաբերյալ։ 

Ընդհանուր առմամբ, անհրաժեշտ է ձեռք բերել մոտ 160 կործանիչ՝ Ռուսաստանի Դաշնությանը օդային տարածքում գերիշխելու հնարավորությունից զրկելու համար։ 

Մեկնաբանելով կործանիչների մատակարարման ժամկետները՝ Զելենսկին ասել է, որ ինքնաթիռը պետք է հայտնվի Ուկրաինայում հաջորդ տարվա սկզբին։ F-16-ի հանձնումը տեղի կունենա ավելի ուշ, քան ակնկալում էր նախագահը։ Պետության ղեկավարը նաեւ նշել է, որ կործանիչներն անհրաժեշտ են խաղաղ բնակչության պաշտպանության եւ Սեւ ծովում առեւտրային նավերի պաշտպանության համար։