Նիգերում իշխանությունը զավթած զինվորականները որոշել են բացել օդային տարածքը

Նիգերի ռազմական ղեկավարությունը որոշում է կայացրել սեպտեմբերի 4-ից բացել օդային տարածքը: 
 

 Այս մասին հաղորդում է «Ինտերֆաքս»-ը՝ վկայակոչելով ֆրանսալեզու լրատվամիջոցները: 

Խռովարարները օգոստոսի 6-ին փակել էին Նիգերի օդային տարածքը թռիչքների համար՝ իրենց որոշումը բացատրելով հարևան երկրների կողմից ներխուժման սպառնալիքով: 

Հուլիսի 26-ին հայտնի է դարձել, որ Նիգերի նախագահական գվարդիայի աշխատակիցների մի մասը հանդես է եկել պետության ղեկավար Մոհամեդ Բազումի դեմ, որը հեռացվել է իշխանությունից: Նիգերի զինված ուժերի գլխավոր շտաբը աջակցել է ապստամբության կազմակերպիչներին: 

Երկրի նոր ղեկավար Է հայտարարվել բանակի գեներալ Աբդուրահման Թչիանին։ 

ECOWAS-ը, Եվրամիությունը, Ֆրանսիան և մի շարք այլ պետություններ դատապարտել են ռազմական հեղաշրջումը և պահանջել ազատ արձակել Բազումին և վերականգնել նրա նախկին պաշտոնը: