«Վաղը կտեսնեք». Պետրակովը չասաց, թե Հայաստան-Խորվաթիա հանդիպմանը ով կփոխարինի Վարազդատ Հարոյանին

Բավարարված եմ իմ ֆուտբոլիստների խաղից, աշխատանքին իրենց մոտեցումից։ Այս մասին Հայաստան-Խորվաթիա նախախաղային մամուլի ասուլիսին ասել է Հայաստանի հավաքականի գլխավոր մարզիչ Ալեքսանդր Պետրակովը։

Նա նշեց, որ հավաքականի ավագ Վարազդատ Հարոյանը չի մասնակցի հանդիպմանը․ «Հարոյանը կարևոր խաղացող է թիմի համար, թիմի ավագն է։ Երեկ միասին ընթրեցինք ու տուն ուղարկեցի նրան։ Բայց նա թիմի կողքին է,  այսօր ևս մարզվելու է մեզ հետ»,-ասել է Պետրակովը՝ հավելելով՝ վաղը կտեսնեք, ինտրիգ է։