Ըստ լրատվամիջոցների` Թուրքիայի ազգային հավաքականը կմնա առանց մարզիչ

Թուրքիայի ֆուտբոլի ֆեդերացիայի TFF-ն որոշել է բաժանվել երկրի ազգային հավաքականի գլխավոր մարզիչ Ստեֆան Կունցից, իսկ ֆեդերացիայի ղեկավարությունն իր որոշման մասին տեղեկացրել է գերմանացի մարզչին, գրում է Hürriyet թերթը։

Կունցը Թուրքիայի ազգային հավաքականը գլխավորում է 2021 թվականի սեպտեմբերից։ Եվրոպայի առաջնության ընտրական փուլում Հայաստանի հավաքականի հետ Թուրքիայի հավաքականի հանդիպումներից (1:1) և Ճապոնիայի հավաքականի հետ ընկերական խաղից հետո (2:4), սոցիալական ցանցերում ակտիվացել են Կունցի հրաժարականի կոչերը. 

Նշվում է, որ Թուրքիայի ազգային հավաքականը 2024 թվականի Եվրոպայի առաջնության ընտրական մրցաշարի D խմբում զբաղեցնում է երկրորդ տեղը (10 միավոր)։