Ադրբեջանի պաշտոնական հաղորդագրությունը՝ իր զոհերի թվի մասին

Արցախի դեմ սանձազերծած վերջին ագրեսիայի ժամանակ Ադրբեջանում զոհվել է 192 զինծառայող։ 

Զոհերի թվի մասին հայտնել է Ադրբեջանի Առողջապահության նախարարությունը։ Նշվում է, որ 512 ադրբեջանցի զինծառայող վիրավորում է ստացել։

Հիշեցնենք` Ադրբեջանը սեպտեմբերի 19–ին լայնամասշտաբ հարձակում սկսեց Արցախի դեմ։ Ադրբեջանական զինուժը շփման գծի ողջ երկայնքով խախտեց հրադադարը` հասցնելով հրթիռահրետանային հարվածներ։ Ադրբեջանական ագրեսիայի հետևանքով առնվազն 200 զոհ և ավելի քան 400 վիրավոր կա։