Իսրայելի բանակը հրետանային կրակով է պատասխանել «Հեզբոլլահի» հարձակումներին

Իսրայելի բանակը հայտարարել է, որ պատասխանում է հրետանային կրակով Լիբանանի տարածքից հարձակումներին: Այս մասին գրում է РИА Новости–ն:

Ավելի վաղ հայտնել էինք, որ լիբանանյան «Հեզբոլլահը» հարվածներ է հասցնում Իսրայելի հյուսիսին՝ ի պատասխան իր զինյալների մահվան:

Հոկտեմբերի 7-ին ՀԱՄԱՍ-ը հարյուրավոր հրթիռներ է արձակել Իսրայելի ուղղությամբ։ Ի պատասխան՝ Իսրայելը ռազմական գործողություն սկսեց Գազայի հատվածում։ Իսրայելում զոհվել է ավելի քան 800 մարդ, եւս 2,5 հազարը վիրավորվել է։ Գազայի հատվածում զոհվել է 576 մարդ, վիրավորվել՝ 2,9 հազար բնակիչ։ Իսրայելին աջակցել են Եվրամիության երկրները, ԱՄՆ-ն, իսկ Իրանը և Լիբանանը աջակցել են պաղեստինցի գրոհայինների գործողություններին։