Գազայում հրադադար չի լինի. իսրայելցի պաշտոնյա

Իսրայելի բարձրաստիճան պաշտոնյան CNN-ին ասել է, որ մինչ Միացյալ Նահանգները և Կատարը աշխատում են ՀԱՄԱՍ-ի մոտ գտնվող ավելի քան 200 պատանդին ազատելու ուղղությամբ, Գազայում «հրադադար չի լինի»:

Պաշտոնյան CNN-ին նաև ասել է, որ իրենք «տեղյակ չեն» ԱՄՆ-ի՝ Գազայի հատվածում Իսրայելի սպասվող ցամաքային գործողությունը հետաձգելու կոչերին:

«Չի կարելի թույլ տալ, որ մարդասիրական ջանքերն ազդեն ՀԱՄԱՍ-ի ոչնչացման առաքելության վրա»,- ասել է պաշտոնյան՝ մեկնաբանելով տեղեկությունն առ այն, որ  ԱՄՆ-ն Իսրայելին կոչ է արել հետաձգել ցամաքային գործողությունը:

Իսրայելի բանակը կիրակի ուշ երեկոյան տասնյակ ավիահարվածներ է հասցրել ՀԱՄԱՍ-ի օբյեկտներին, հայտնել է Իսրայելի պաշտպանության բանակը։