«Դժոխք` երկրի վրա». ՄԱԿ-ը Գազայում իրավիճակի մասին

ՄԱԿ-ը Գազայի հատվածում ստեղծված իրավիճակը անվանել է «դժոխք` երկրի վրա»: Այսպիսի գնահատական ​​է տվել ՄԱԿ-ի հումանիտար հարցերի համակարգման գրասենյակի պաշտոնական ներկայացուցիչ Յենս Լարկեն։ 

«Եթե այսօր երկրի վրա դժոխք կա, դա հյուսիսային Գազայի հատվածն է: Այն մարդիկ, ովքեր մնացել են այնտեղ, տառապում են մահերից, դժվարություններից, հուսահատությունից, տեղահանությունից և լույսի պակասից»,- ասել է կազմակերպության ներկայացուցիչը Ժնևում կայացած ճեպազրույցում։

Ավելի վաղ հայտնել էինք, որ Իսրայելական տանկերը շրջափակել են Գազայում գտնվող մանկական հիվանդանոցը: