Երեխաները երեխաների դիմաց․ Իսրայելի և ՀԱՄԱՍ-ի քննարկումը

Իսրայելը և պաղեստինյան ՀԱՄԱՍ արմատական շարժումն ուսումնասիրում են բանակցությունների ընթացքում առաջարկված «երեխաները երեխաների դիմաց» բանաձևով պատանդների փոխանակման տարբերակը: Այս մասին հայտնել է իսրայելական  Kan  պետական հեռուստառադիոընկերությունը՝ հղում անելով իր աղբյուրներին։ Տեղեկությունը փոխանցում է ՏԱՍՍ-ը։

Համապատասխան առաջարկը ստացվել է Կատարի և ԱՄՆ-ի միջնորդությամբ բանակցությունների ժամանակ։  Աղբյուրները պնդում են, որ այն նախատեսում է ազատ արձակել Գազայի հատվածում պահվող իսրայելցի երեխաներին՝ պաղեստինցի երեխաների դիմաց, որոնք բանտում են գտնվում Իսրայելում:  Kan-ի տվյալներով՝ բանակցությունները դեռ շարունակվում են, վերջնական համաձայնություն դեռ չկա: