Պատանդների և գերիների ևս մեկ փոխանակում կանցկացվի. Պաղեստինից ժամկետ են նշել

ՀԱՄԱՍ-ի պատանդներին Իսրայելում պաղեստինցի բանտարկյալների հետ փոխանակելու ևս մեկ գործարք կկայանա այս ամիս: Այս մասին տեղեկացնում է Reuters -ը՝ հղում անելով պաղեստինցի պաշտոնյային։ Վերջինս նման տեղեկատվություն է տվել անանունության պայմանով:

«Առաջինին հաջորդելու է մարդկանց երկրորդ խումբը։ Փոխանակումը կազմակերպելու համար նրանց կպահանջվի չորս-հինգ օր․ 50 իսրայելցի պատանդ կփոխանակվի 150 պաղեստինցի բանտարկյալի հետ»,- հայտարարել է նա:

Հաղորդվում է, որ երկու պայմանավորվածությունների արդյունքում Գազայի հատվածում ՀԱՄԱՍ-ի մոտ 240 պատանդներից ազատ կարձակվի 100-ը։