ՏԵՍԱՆՅՈՒԹ. Պուտինը մեկնաբանել է Բայդենի խոսքերը

Արևմուտքի երկրները ստիպված կլինեն Ռուսաստանի հետ շփման եզրեր գտնել, հայտարարել Է Ռուսաստանի նախագահ Վլադիմիր Պուտինը:

Միևնույն ժամանակ, նա անհեթեթություն է անվանել ԱՄՆ նախագահ Ջո Բայդենի խոսքերն այն մասին, որ Ռուսաստանն իբր պատրաստվում է հարձակվել ՆԱՏՕ-ի երկրների վրա: Պուտինի կարծիքով ՝ դա պարզապես ձև է, որպեսզի հիմնավորի իր սխալ քաղաքականությունը ռուսական ուղղությամբ։

«Ռուսաստանը չունի պատճառ, շահագրգռվածություն՝ ո՛չ աշխարհաքաղաքական շահ, ո՛չ տնտեսական, ո՛չ քաղաքական, ո՛չ ռազմական, կռվելու ՆԱՏՕ-ի երկրների հետ։ Մենք նրանց հետ տարածքային պահանջներ չունենք միմյանց նկատմամբ, չկա ցանկություն փչացնելու հարաբերությունները»,- ընդգծել է Պուտինը։