Փաշինյանի Արմավիրի մարզ այցից հետո` մարզպետ Էդվարդ Հովհաննիսյանն ազատվել է պաշտոնից

Արմավիրի մարզպետ Էդվարդ Հովհաննիսյանը կառավարության որոշմամբ ազատվեց Արմավիրի մարզպետի պաշտոնից։ Որոշումը հրապարակվել է կառավարության կայքում։

«Ղեկավարվելով ՀՀ Սահմանադրության 160-րդ հոդվածի 2-րդ մասով, «Տարածքային կառավարման մասին» օրենքի 6-րդ հոդվածի 1-ին մասով և 5-րդ մասի 5-րդ կետով՝ կառավարությունը որոշում է Էդվարդ Հովհաննիսյանին ազատել Արմավիրի մարզպետի պաշտոնից»,- ասված է փաստաթղթում։

Հիշեցնենք` այսօր ՀՀ վարչապետ Նիկոլ Փաշինյանն այցելել է Արմավիրի մարզ, կանգ է առել Արագած բնակավայրում, շրջել Մ. Մեխակյանի անվան միջնակարգ դպրոցում և մի շարք թերություններ և խնդիրներ արձանագրել։