ՌԴ-ն հրավիրում է Հայաստանին Մոսկվա՝ Բաքվի հետ խաղաղության համաձայնագիրը քննարկելու

Մոսկվան մի քանի օր առաջ ՀՀ ԱԳ նախարար Արարատ Միրզոյանին է փոխանցել ՌԴ այցելելու հերթական հրավերը՝ քննարկելու Երևանի և Բաքվի միջև խաղաղության պայմանագիրը, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Զախարովան մանրամասնում է՝ Միրզոյանին Մոսկվա խորհրդակցությունների հրավեր ուղարկվել է բազմիցս՝ սկսած անցյալ տարվա սեպտեմբերից, հարցը քննարկվել է տարբեր մակարդակներով երկկողմ շփումների ընթացքում․ «Վերջին հրավերը Երևանին է փոխանցվել բառացիորեն մի քանի օր առաջ», - նշել է նա։