Երբ կսկսվի հարձակումը Ռաֆահում․ Նեթանյահուն նպատակ ունի ոչնչացնել ՀԱՄԱՍ-ը

Իսրայելը չի հրաժարվի Գազայի հատվածի հարավային հատվածում Ռաֆահ քաղաքի վրա հարձակումից՝ նպատակ ունենալով ոչնչացնել ՀԱՄԱՍ արմատական իսլամիստական շարժման ուժերը։ Այս մասին հայտարարել Է Իսրայելի վարչապետ Բենյամին Նեթանյահուն: 

«Նա, ով ցանկանում է խոչընդոտել Ռաֆահում մեր գործողությանը, ի վերջո մեզ ասում է՝ «պարտվեք պատերազմում»», - ասել է նա։

«Հարձակումը կսկսվի այն բանից հետո, երբ մենք ռազմական գործողությունների շրջանների խաղաղ բնակիչներին հնարավորություն կտանք տեղափոխվել անվտանգ վայրեր», - հստակեցրել է Իսրայելի կառավարության ղեկավարը:

Բացի այդ, Նեթանյահուն մատնանշել է Եգիպտոսի և կատարի միջնորդությամբ զինյալների հետ բանակցություններում առաջընթացի բացակայությունը:

«Իսրայելական կողմը ոչինչ չի ստացել, բացի ՀԱՄԱՍ-ի զառանցական պահանջներից»,- նշել է կառավարության ղեկավարը:

Դրանց թվում են ռազմական գործողությունների դադարեցումը, արմատական շարժման պահպանումն իր ներկայիս տեսքով եւ հազարավոր բանտարկյալների ազատ արձակումը իսրայելական բանտերից, պարզաբանում է Reuters գործակալությունը:

Վերջին ամիսներին Ռաֆախում ապաստան է գտել շուրջ 1,3 մլն պաղեստինցի՝ ներքին տեղահանված անձ։